დევნილთა მინისტრი სოზარ სუბარი გადაცემა „არჩევანში“ ზურაბ ჟვანიას საქმეზე „FBI“-ის მიერ გამოქვეყნებულ დასკვნას ეხმაურება.

მისი თქმით, გადაცემის წამყვანი გიორგი გაბუნია ცდილობდა, ზურაბ ჟვანიას დისკრედიტაცია მოეხდინა.

„ის, რაც გოგოლა ჟვანიამ ილაპარაკა, ვერაფერს დავამატებ. უბრალოდ გამაოგნა წამყვანის მცდელობამ, რომ გადაცემის პირველ ნახევარში როგორმე გაემართლებინა ვაზაგაშვილის მკვლელი. ყველა მისი სიტყვა ამაზე იყო აწყობილი. მეორე ნახევარში - როგორ მოეხდინა ჟვანიას სიკვდილის მცდელობა და მთელი მისი ჩაკითხვები მიმართული იყო აქეთ, რომ მოეხდინა ამ ადამიანის დისკრედიტაცია. საქმე იყო გაყალბებული და ამაში მონაწილეობდა ხელისუფლება“, - ამბობს სუბარი.

"რუსთავის 2”-ს კონფიდენციალურმა წყარომ ამერიკის გამოძიების ფედერალური ბიუროს იმ დასკვნის კიდევ ერთი ნაწილი მიაწოდა, რომელიც ზურაბ ჟვანიასა და რაულ უსუპოვის საქმეზე მომზადდა.

დასკვნები 2005, 2006 და 2007 წლებით თარიღდება და მათში დეტალურად არის აღწერილი შემთხვევის ადგილი, ყველა ნივთი და ყველა ნივთიერება, რომელიც გამომძიებლებმა ბინაში აღმოაჩინეს.

დასკვნა სრულად იხილეთ ბმულზე