პარლამენტის თავმჯდომარის თქმით, საქართველოს დაახლოება ევროპასთან თუ ევროპის ჩამოყვანა საქართველოში არის ბუნებრივი მოთხოვნილება ქვეყნის ეროვნული ცნობიერებიდან გამომდინარე.

დავით უსუფაშვილის თქმით, ხელისუფლებას, სამოქალაქო საზოგადოებას და მოქალაქეებს დიდი შრომა მართებთ, რომ მიზანი რეალობად იქცეს.

"საქართველოს სვლა ევროპისკენ დაიწყო მაშინ, როდესაც საქართველომ თავი დააღწია საბჭოთა იმპერიას. ამ გზაზე ჩვენ მოვახერხეთ, რომ შეგვექმნა დაბრკოლებები. არც გეოპოლიტიკური გარემო იყო ხელსაყრელი, რათა ეს პროცესი უფრო სწრაფად და ეფექტურად დაგვესრულებინა. დღეს საზოგადოებაში არსებობს კითხვები, თუ რას მოგვიტანს ევროპა. მიუხედავად იმისა, რომ ქართველი ხალხის არჩევანი სრულიად ცალსახაა და ეს გამოხატულია ყველა შესაძლო ფორმით, მიუხედავად იმისა, რომ ჩვენი დაახლოება ევროპასთან თუ ევროპის ჩამოყვანა საქართველოში არის ბუნებრივი მოთხოვნილება ჩვენი ეროვნული ცნობიერებიდან გამომდინარე და არა რომელიმე პოლიტიკური პარტიის არჩევანი, მაინც ძალიან სერიოზული შრომა გვმართებს მიზნის მისაღწევად“, - განაცხადა უსუფაშვილმა.