პრეზიდენტის ადმინისტრაციაში განმარტებები გააკეთა პრეზიდენტის საპარლამენტო მდივანმა გიორგი კვერენჩხილაძემ.

მისი თქმით, პრეზიდენტმა არჩევანი უნდა გააკეთოს ერთ კანდიდატზე, იმ კრიტერიუმების მიხედვით, რომელიც შეთანხმებულია პოლიტიკურ პარტიებსა და არასამთავრობოებს შორის.

სპარლამენტო მდივანის განცხადებით ერთ-ერთი კრიტერიუმი არის სწორედ პოლიტიკური გავლენისგან თავისუფლება.

„საქართველოს პრეზიდენტს ქონდა კონსულტაციები საპარლამენტო უმრავლესობის ლიდერთან, შესაბამისად ის ოთხი კრიტერიუმი, გარდა კანონისმიერი ცენზებისა, სწორედ საპარლამენტო უმრავლესობის და საპარლამენტო ოპოზიციის მონაწილეობით არის შემუშავებული, შესაბამისად კანდიდატურები ყველა იქნება განხილული, თუმცა ამ კანდიდატურების შერჩევა განხორციელდება სწორედ კანონდადგენილი ფორმალური ნორმებისა და შემუშავებული კონსენსუსის შედეგად მიღებული 4 კრიტერიუმის შესაბამისად“. - განაცხადა გიორგი კვერენჩხილაძემ.