საქართველოს პარლამენტის დამოუკიდებელი დეპუტატის, მურმან დუმბაძის განცხადებით, აჭარის უმაღლეს საბჭოში, ცვლილებებია მოსალოდნელი.

როგორც ჟურნალისტებთან საუბრისას მურმან დუმბაძემ განაცხადა, გავრცელებული ინფორმაცია, თითქოსდა, აჭარის რეგიონში ის და მედია ვასაძე რაიმე გადატრიალებას მოახდენენ, სიმართლეს არ შეესაბამება.

„არავითარი ბერკეტები გადატრიალება-გადმოტრიალებისა არ გვაქვს. ჩვენ გვაქვს კონსტიტუციური უფლება და გამოცდილება. მე ვამბობ, რომ მედეა ვასაძემ დატოვა ქართულ კოალიციაში უმრავლესობის რიგები, რითაც უმრავლესობას შეექმნა პრობლემა. ანუ ძალთა ბალანსი არის გადანაწილებული. ამ გადანაწილებულ ძალთა ბალანსში, შესაძლოა, ახალი კონფიგურაცია შეიქმნას, აჭარის უმაღლეს საბჭოში“, - განაცხადა, მურმან დუმბაძემ.