სპეცსამსახურის ყოფილი თანამშრომელი კომუნიკაციების მარეგულირებელი კომისიის წევრობისთვის ემზადება. მისი კანდიდატურა პრეზიდენტმა პარლამენტს უკვე წარუდგინა.

სიმონ ნოზაძის თქმით, კომუნიკაციების ბაზრის კომუნიკატორის ფუნქციები მისთვის უცხო არაა.

„ჩემი კანდიდატურა შეესაბამება იმ მოთხოვნებს, რომელიც წაეყენება მარეგულირებელი კომისიის წევრს. კარგად ვიცი რა არის უსაფრთხოების ერთიანი სისტემა, პიროვნების, სახელმწიფოსა და საზოგადოების უშიშროება, კარგად ვიცი მათი სპეციალური სუბიექტებისა და ზოგადი სუბიექტების როლი “, - აცხადებს სიმონ ნოზაძე.

როგორც ცნობილია, მას მარეგულირებელი კომისიის წევრის თანამდებობის დასაკავებლად რეკომენდაცია ანზორ ჩუბინიძემ და ვახტანგ ქუთათელაძემ გაუწიეს. რეკომენდატორებს შორის არის ჟურნალისტი ნატო ონიანი.

იგი ამ ეტაპზე კერძო დაცვის სამსხურს ხელმძღვანელობს. მანამდე იყო სახელმწიფო დაცვის სამსახურის უფროსი, უფრო ადრე უშიშროების მინისტრის მოადგილე.