პარლამენტის თავმჯდომარე იური ვაზაგაშვილის მკვლელობის საქმის გახსნას ეხმაურება და ამბობს, რომ ფაქტზე პოლიციელის დაკავება ეროვნული სირცხვილია.

ამის შესახებ დავით უსუფაშვილმა ჟურნალისტებთან საუბრისას განაცხადა.

“პოლიციელი, რომელიც კრიმინალს ებრძვის, უნდა იყოს განათლებული, თავისუფლების პატივისმცემელი და მოყვარული ადამიანი. მაშინ იქნება ის ისეთი პოლიციელი, რომელიც ჩვენ გვინდა ვიხილოთ და აღარ ვიხილოთ ის ეროვნული სირცხვილი, რაც გუშინ მოვისმინეთ. ძიება გრძელდება. არ მინდა მოვლენებს გავუსწრო, მაგრამ თუ ეს ყველაფერი დადასტურდა, ეს ეროვნული სირცხვილი იქნება“, - აცხადებს უსუფაშვილი.

იური ვაზაგაშვილის მკვლელობის საქმეზე შსს-ს თანამშრომელი გიორგი სოსანაშვილი დააკავეს.