აღნიშნული კომისია 2009 წელს დიმიტრი მედვედევისა და ბარაკ ობამას შეთანხმებით შედგა, როგორც სიმბოლო, ვაშინგტონსა და მოსკოვს შორის, გადატვირთვის პოლიტიკისა.

ამის შესახებ კომერსანტს აცნობა აშშ-ის სახელმწიფო მდივნის მოადგილემ, ადამიანის უფლებებისა და დემოკრატიის საკითხებში, ტომას მელიამ, რომელიც ამერიკული მხრიდან სამუშაო ჯგუფის თანათავმჯდომარეა.

,,იმის გამო, რომ გასულ წელს, რუსეთის ფედერაციის ხელისუფლების მხრიდან განხორციელებული იქნა სამოქალქო საზოგადოების შეზღუდვისკენ მიმართული მოქმედებები, ეს სამუშაო ჯგუფი უკვე აღარ არის ადექვატური და ეფექტური ფორუმი, რომელიც შეძლებს ხელი შეუწყოს სამოქალაქო საზოაგდოების გაფართოებასა და განმტკიცებას’’, - აცხადებს ტომას მელია.

ამავდროულად, სახელმწიფო მდივნის მოადგილე დასძენს, რომ აშშ მაქსიმალურად შეეცდება გააგრძელოს ურთიერთობები სამოქალაქო სექტორის წარმომადგენლებთან.

,,ჩვენ მყარად ვრჩებით რუსეთის სამოქალაქო საზოგადოების განვითარებისა და მათი მიზნების განხორციელების მხარდამჭერი, ამერიკისა და რუსეთის სამოქალაქო საზოგადოებებს შორის კავშირების გზით’’,-  განაცხადა ტომას მელიამ და აღნიშნა, რომ აშშ გამოთქვამს ღრმა წუხილს, იმ კანონების მიღების გამო, რომელიც ზღუდავს სამოქალაქო საზოგადოების საქმიანობას.

რუსეთის ფედრაციის საგარეო საქმეთა სამინისტროს, ადამიანის უფლებების საკითხებში უფლებამოსილი პირის კონსტანტინ დოლგოვის თქმით, ინფორმაცია ვაშინგტონის განზრახვაზე, რომ შეწყვეტს საქმიანობას სამუშაო ჯგუფში, ჯერ-ჯერობით მხოლოდ ზეპირი სიგნალების დონეზა ცნობილი. დოლგოვის განცხადებით, ოფიციალურ პასუხს რუსული მხარე გასცემს მას შემდეგ, როცა ის ოფიციალურ შეტყობინებას მიიღებს.

,,რია ნოვოსტის’’ ცნობით, აღნიშნულ საკითხთან დაკავშირებთ, ინფორმაცია 28 იანვარს  ,,კომერსანტ ვლასტში’’ იქნება გამოქვეყნებული.