გაზაფხულზე ცხინვალის ხელისუფლება თრუსოს ხეობაში შეჭრას გეგმავს?

პოლიტიკა - 18:15, 06 Feb, 2015

3942

ჭიკაიძის მსგავსად შს ახალი მინისტრი გომელაურიც აცხადებს, რომ გარკვეულ ძალებს საქართველოში დესტაბილიზაციის მოწყობა სურთ. ოღონდ ამჯერად გომელაური მთავარ საფრთხედ სირიასა და უკრაინაში მიმდინარე საბრძოლო მოქმედებებს და საქართველოში მათ გამოძახილს ასახელებს.

კავკასიის საკითხებში ექსპერტის მამუკა არეშიძის თქმით, მან არ იცის, რა ტიპის ინფორმცია აქვს მინისტრს, გამორიცხულიც არ არის, იმ ტიპის ცნობები ჰქონდეს, რაც მას თავად აქვს და მისი განცხადება სწორია.

არეშიძის განცხადებით, მას აქვს ინფორმაცია, რომ გაზაფხულზე, როდესაც თოვლი დადნება, თრუსოს ხეობაში ადრე მცხოვრები ოსური ეროვნების მოსახლეობის ჯგუფი მზადდება, რომელსაც დავალება აქვს მიღებული, რომ ახალგორის მხრიდან გადმოლახოს საოკუპაციო ზოლი და თავის ადრინდელ საცხოვრებელ ადგილას მივიდნენ.
არეშიძე აცხადებს, რომ იდეაში მათთვის ხელის შეშლის უფლება არავის აქვს, იმიტომ რომ ისინი საკუთარ სახლებში ბრუნდებიან. ზოგიერთი საქართველოს მოქალაქეცაა, მაგრამ მათ ამოცანა დაუსახეს და აქედან გამომდინარე ეს პოლიტიკური აქციაა. მათი ამოცანა, რომ თუკი დაბრუნებისას ხელს შეუშლიან, დასახმარებლად რუსეთის ძალოვანი სტრუქტურების წარმომადგენლები უნდა გამოიძახონ.

„დღეს თრუსოს ხეობა ცარიელია, ერთი მოხუცი ქალის გარდა არავინ ცხოვრობს და ნაკლებადაც კონტროლირებადია. მერე იქნება ლაპარაკი, რომ ეს ოსური ტერიტორიაა , ამას მოჰყვება საუბარი რომ ეს ტერიტორია უნდა შეუერთდეს ე.წ სამხრეთ ოსეთს და ასე წავა პროცესები“- აცხადებს არეშიძე.