უმრავლესობის დეპუტატის ეკა ბესელიას და ტელეწამყვან ნანუკა ჟორჟოლიანს შორის არსებულ დაპირისპირებაში ქეთი დოლიძეც ჩაერთო.

„გადაწყვიტავს არა - გადაწყვეტს!!!! საზოგადოებამ კი დიდი ხანია გადაწყვიტა ვინ არის ნანუკა ჟორჟოლიანი და როგორი "სიმართლის"თქმა შეუძლია!“- დაწერა სოციალურ ქსელში თემის კომენტირებისას დოლიძემ.

შეგახსენებთ, ბესელია-ჟორჟოლიანის დაპირისპირება „ფრეშნიუსზე“ გასული სიუჟეთის შემდეგ დაიწყო. სიუჟეტში რესტორან „ფაზისში“ მომხდარ ინციდენტზეა საუბარი.

სპეციალურ რეპორტაჟში „ქართული ოცნების“ წევრი ელგუჯა მერგანტია ამბობს, რომ რამდენიმე დღის წინ რესტორანში ეკა ბესელიას შვილი რატი მილორავა მაღალჩინოსან ძალოვანებს კონკრეტული ადამიანების დაკავებაზე ესაუბრებოდა.

აღნიშნულ ფაქტს ეკა ბესელია შვილის მიმართ გაჟღერებული ბრალდებები უარყო.

"პირად გარჩევებს არ ვაპირებ... ვაპირებ ყველა ასეთ ფაქტზე სასამართლოს წესით პასუხი ვაგებინო, რათა ვაიძულო მედიის სახელით მოლაპარაკე ადამიანები, რომ ეთიკის და კანონის ნორმებს დაექვემდებარონ", - აცხადებს ეკა ბესელია „რეზონანსთან“ საუბრისას.