სოფლის მეურნეობის მინისტრის თქმით, რუსეთის ბაზარზე ქართული ღვინის ექსპორტი მნიშვნელოვნად შემცირებული არ არის, თუმცა კლების ტენდენცია შეინიშნება.

ოთარ დანელიას თქმით, სამინისტროს ალტერნატიული ბაზრების ასათვისებლად მუშაობა უკვე დაწყებული აქვს.

„რუსეთის ბაზარზე ექსპორტთან დაკავშირებით იკვეთება არა რეალიზაციის, არამედ ტრანზაქციების პრობლემა. ჩვენ ამ დარგს მაქსიმალურად ვეხმარებით. ღვინის ექსპორტი რუსეთის ბაზარზე მნიშვნელოვნად შემცირებული არ არის, მაგრამ შემცირების ტენდენცია ფიქსირდება. ექსპორტის შემცირება სავარაუდოდ, რეგიონში არსებულ ეკონომიკურ მოვლენებს უკავშრდება“, - განაცხადა დანელიამ.