მეტი ხელშეწყობა ბიზნესს და ნაკლები ბიუროკრატია, - ეკონომიკური საბჭოს დღევანდელ სხდომაზე ბიზნესსექტორის მხარდაჭერაზე ისაუბრეს.

საბჭოს წევრებმა კიდევ ერთხელ აღნიშნეს, რომ ქვეყანაში დღეს კონკურენტული და გამჭვირვალე ბიზნესგარემოა, ბიზნესი ხელისუფლების ჩარევისგან სრულად თავისუფალია, თუმცა ბიზნესმენებისთვის სახელმწიფოს მხრიდან ზედმეტი და არაფრისმომცემი ბიუროკრატიის შექმნა დაუშვებელია.

პრემიერ-მინისტრის განცხადებით, ყველა იმ სახელმწიფო მოხელის პერსონალური პასუხისმგებლობის საკითხი დადგება, რომელიც ბიზნესს ხელოვნურ ბარიერებს შეუქმნის და პრობლემებს დროულად არ მოუგვარებს.

ეკონომიკური საბჭოს სხდომაზე დღეს ასევე განიხილეს ელექტროენერგეტიკის განვითარების სტრატეგია, ელექტროსისტემის განვითარების გეგმა და ახალი პროექტები, რომელთა ნაწილი თანაინვესტირების ფონდის მონაწილეობით განხორციელდება.