საქართველოში უახლოეს მომავალში, სტრატეგიული პარტნიორობის ქარტიის ფარგლებში, პლენარული სესია გაიმართება, რომლის ფარგლებშიც აშშ-ის სახელმწიფო მდივნის ჯონკერის ვიზიტი იგეგმება.

ამის შესახებ საქართველოს საგარეო მინისტრმა თამარ ბერუჩაშვილმა განაცხადა.

მისი თქმით, მიმდინარე წლის მარტში დაიგეგმა კომერციის დეპარტამენტის, სავაჭრო ეკონომიკური მისიის საქართველოში ვიზიტი, რაც იქნება კარგი შესაძლებლობა ამერიკული ბიზნესისთვის გაიცნონ საქართველოს საინვესტიციო კლიმატი და ის ახალი რეალობა, რაც სავაჭრო-ეკონომიკურ პოლიტიკაშია.

„ეს ვიზიტი იქნება სავაჭრო ეკონომიკური ურთიერთობების განვითარებისკენ გადადგმული კიდევ ერთი მნიშვნელოვანი ნაბიჯი“, - აცხადებს ბერუჩაშვილი.