შინაგან საქმეთა მინისტრი ანტიტერორისტული ღონისძიების გატარებასთან დაკავშირებით უმრავლესობის წევრის, ნუკრი ქანთარიას მოწოდებას გამოეხმაურა.

ვახტანგ გომელაურის თქმით, ანტიტერორისტული ღონისძიებების გატარების აუცილებლობა არ არის.

"არ არსებობს ისეთი ინფორმაცია, რომ რაიმე ოპერაციის ჩატარება იყოს საჭირო. თუ მასშტაბური რაღაც დაიგეგმაბა პრევენციულ ღონისძიებებს მივმართავთ. თუ ჩვენთან რაიმე ინფორმაცია შემოვა, ამას საზოგადოება გაიგებს, ჯერჯერობით არაფერი ხდება. ვითარება კონტროლს ექვემდებარება და პრევეციულ ზომებს ვიღებთ", - განაცხადა გომელაურმა.

უმრავლესობის წევრმა ნუკრი ქანთარიამ შს მინისტრს ანტიტერორისტული პრევენციული ღონისძიებების დაწყებისკენ მოუწოდა. მისი თქმით, ყარაფილაში განხორციელებულმა ტერაქტმა ახალი ათვლის წერტილი გააჩინა.

„ეს არის დარტყმა ყოველი ჩვენგანისთვის, ხელისუფლებისათვის. ამავე დროს ეს არის ჩვენი ტვირთი, რადგან ჩვენი ხელისუფლების დროს მოხდა. ის გამოწვევები, რომელიც არის, აუცილებელია, რომ უმკაცრესად და ადეკვატურად იქნას პასუხისგაცემული", - განაცხადა ნუკრი ქანთარიამ.