საპარლამენტო უმცირესობის წევრის, სერგო რატიანის განცხადებით, ქვეყანაში დესტაბლიზაციის მთავარი მიზეზი „ქართული ოცნება“ და ყოფილი პრემიერი ბიძინა ივანიშვილია.

მისი თქმით, სახელმწიფოში ნებისმიერი არეულობა და აგრესია ხელისუფლებისგან მოდის.

„როცა შს მინისტრი დესტაბილიზაციაზე საუბრობს, თავს იანუკოვიჩს უიგივებს. საქართველოს იანუკოვიჩისაზიცია გრძელდება და ეს არის უხერხული. მთავრობაში არავინ დარჩა, რომ მათ ეს უხერხული ვითარება აუხსნას. მთავრობაში ირაკლი ალასანია რომ ყოფილიყო, ის ამას მათ ყურში მაინც უჩურჩულებდა. ფაქტიურად, საქართველოს მთავრობა აცხადებს, რომ როგორც იანუკოვიჩი, ასევე ის, საქართველოში რუსეთის ინტერესებს იცავს და ამ ინტერესების სადარაჯოზე დგას. ეს არის უხერხული და საქართველოსთვის იმიჯის შემლახავი“, - განაცხადა რატიანმა.