პოეტი დავით დეფი გოგიბედაშვილი სოციალურ ქსელში TV 3 -ს მიმართავს და იმ შეცდომებზე მიუთითებს, რომელიც ტელევიზიის მიერ მომზადებულ საგანმანათლებლო ბლოკებშია:

" ამ TV 3 - ს მივწერე ადრე, მაგრამ ყურიც არ შეიბერტყეს და სისულელეებს სილელეებზე უმატებენ. ნუთუ ერთი ადამიანი არ გამოჩნდა რომ ის გაუგონარი შეცდომები რასაც ისინი წელიწადია ავრცელებენ - შეწყვიტონ ან გამოასწორონ. მართალია ამ ქვეყანაში დილეტანტიზმს და იდიოტიზმს ყველგან ვაწყდები, მაგრამ შეგუება მიძნელდება. ეგებ ვინმემ, ხმა აქედან მაინც მიაწვდინოს. აი რა მივწერე მათ:

მეგობრებო, მინდა შეცდომებზე გელაპარაკოთ რაც თქვენს არხზე უკვე დიდი ხანია გადის და ვფიქრობ გამოსასწორებელია.

მაგალითად, როცა მწერლებზე დამზადებული რგოლი გადის, ედგარ ალან პოს ყორანის მაგივრად ამბობთ - ყვავი.

ერნეტს ჰემინგუეის ბლოკში ამბობთ ჰერტრუდა შტაინცი - სწორეა გერტრუდე შტაინი.

მაინ რიდის ფოტოებს აჩვენებთ და ერთ - ერთი ფოტო არტურ კონან დოილის ფოტოა.

ასევე ჰოროსკოპის რგოლში ტყუპების ზოდიაქო 20 ივნისს თავდება და მისი მომდევნო კირჩხიბის ზოდიაქო 22 ივნისს იწყება. თარიღი 21 ივნისი არსადაა. არ წერია კალედარული რიცხვი 21 ივნისი. ეს დღე არ არსებობს?

(გარდა ამისა, ზოგადად ტყუპების ნიშანი 21 ივნისს თავდება)"- წერს გოგიბედაშვილი.