საპარლამენტო უმრავლესობის ერთ-ერთი ლიდერი ირაკლი სესიაშვილი პარლამენტში საგამოძიებო კომისიის შექმნასთან დაკავშირებით „ნაციონალური მოძრაობის“ ინიციატივას გამოეხმაურა, "ენმ"-ს განცხადებით საგამოძიებო კომისიამ ბოლო პერიოდში მომხდარი გახმაურებულ საქმეები უნდა შეისწავლის.

სესიაშვილი განცხადებით ბოლო დროინდელ მკვლელობებზე პოლიტიკური პასუხისმგებლობა ყოფილი ხელისუფლების წარმომადგენლებს ეკისრებათ და იგი მათ ინიციატივას მხარს არ დაუჭერს.

,,როგორ შეიძლება მხარი დავუჭირო ,,ნაციონალური მოძრაობის" მიერ წამოყენებულ საგამოძიებო კომისიის შექმნის საკითხს, როდესაც მათ აქვთ პოლიტიკური პასუხისმგებლობა, იმ მკველობებთან დაკავშირებით, რომელსაც ადგილი ჰქონდა ბოლო რამდენიმე წლის განმავლობაში. სამართლიანობის აღდგენა ეს არის პროცესი და ამ მიმართულებით სახელმწიფო დიდ ძალისხმევას გაიღებს. მიუხედავად იმისა, რომ ჩვენ არაერთი კრიტიკა მოვისმინეთ საზოგადოების მხრიდან, რომ ამ საქმეებთან დაკავშირებით პროკურატურა დროულად არ მოქმედებს. თუმცა, თითო მოწმის დაკითხვასაც სერიოზული დრო ჭირდება და აქ ადგილი დროის გაწელვასთან არ გვაქვს. აქ არის პროკუარტურის მხრიდან სწრაფვა და სურვილი, მაქსიმალურად დაცული იყოს ნორმები. მე სიმბოლურად მეჩვენა ,,ნაციონალური მოძრაობის" რეაქცია, ვაზაგაშვილის მკვლელობაში ბრალდებულების დაკავებასთან დაკავშირებით, როდესაც ისინი აპელირებენ პოლიტიკურ მოტივებზე და ეს ჩემთვის არის სიმბოლური, როდესაც ვაზაგაშვილის ფაქტთან მიმართებაში, ,,ნაციონალური მოძრაობა" ბრალდებულების ინტერესებს იცავს და მათი პოზიციების გამყარებას ცდილობს. ეს არის ერთგვარი აღიარება იმისა, რომ ისინი პასუხისმგებელები იყვნენ პოლიტიკურად იმ მკვლელობებზე რომელსაც ადგილი ჰქონდა ამ ბოლო წლების განმავლობაში", - განაცხადა ირაკლი სესიაშვილმა.