შინაგან საქმეთა სამინისტროს ანალიტიკური სამსახურის ყოფილი ხელმძღვანელის, შოტა უტიაშვილის თქმით, საქალაქო სასამართლოსთან მთავრობამ პროვოკაციის მოსაწყობად ზონდერები გამოგზავნა.

„სასამართლოსთან მოსულები იყვნენ მთავრობის ზონდერები და პოლიციის აგენტები, რომლებიც მთავრობის დაკვეთით მოქმედებენ და ცდილობდნენ, რომ პროვოკაცია გამოეწვიათ, მაგრამ დარჩნენ ხახამშრალები,“ - განაცხადა უტიაშვილმა.

საქალაქო სასამართლოში ე.წ. კორტების სპეცოპერაციის საქმეზე დაკავებული ყოფილი სამართალდამცველების პროცესი ხმაური ფონზე მიმდინარეობს. ადგილზე უფლებადამცველი ირაკლი კაკაბაძე და რამდენიმე პირია შეკრებილი. ისინი პროცესზე დასწრებას ითხოვდნენ, თუმცა სასამართლო დარბაზში შესვლა ვერ მოახერხეს. ამის გამო დაკავებულების ახლობლებსა და ადგილზე შეკრებილებს შორის სიტყვიერი დაპირისპირება მოხდა.

ე.წ. კორტების სპეცოპერაციის საქმეზე დაკავებულ ყოფი სამართალდამცველებს აღმკვეთის ღონისძიებას დღეს შეუფარდებენ. როგორც ცნობილია, პროკურატურა მათ პატიმრობას მოითხოვს. უწყებამ ამ შუამდგომლობით უკვე მიმართა საქალაქო სასამართლოს.