იმედია უუნარო პრკურატურას ეს საქმე თავზე არ ჩამოეშლება

იმედია უუნარო პრკურატურას ეს საქმე თავზე არ ჩამოეშლება - პეტრიაშვილი

პოლიტიკა - 17:43, 02 Feb, 2015

1943

პეტრიაშვილი აცხადებს, რომ ზურა ვაზაგაშვილის მკვლელობა გახსნილია და ეს მისასალმებელია და იმედს გამოთქვამს, რომ მტკიცებულებები არის უტყუარი და ეს საქმეცი ისე არ ჩამოიშლება, როგორც სხვა დანარჩენი საქმეები.

მისი თქმით არის ძალიან ბევრი კითხვა, რომლზეც პროკურატურას პასუხი არ აქვს და ამ კითხვებს აუცილებლად უმოკლეს დროში უნდა გაეჩეს პასუხები.

„პირველ რიგში უნდა აღინიშნოს ის ფაქტი, რომ ზურა ვაზაგაშვილის მკვლელობა გახსნილია და ეს ნამდვილად მისასალმებელია. იმედი მინდა გმოვთქვა, რომ მტკიცებულებები არის უტყუარი და არ ჩამოიშლება ეს საქმე სასამართლოში, ისე როგორც სხვა გახმაურებული საქმეები ამ დრომდე ჩამოეშალა უუნარო პროკურატურას.

მეორე აქვე მინდა ავღნიშნო, მიუხედავად იმისა, რომ ეს საქმე გახსნილად გამოცხადდა, არის ძალიან სერიოზული შეკითხვები, რატომ ამ დრომდე არ მოხდა ამ ყველაფრის გამოძიება?!... სამწუხაროა, რომ ამ საქმის გახსნის კატალიზატორად იქცა იური ვაზაგაშვილის ტრაგიკული მკვლელობა და დღემდე რჩება კითხვა პასუხგაუცემელი მიუხედავად იმისა, რომ ცალკეულმა პირებმა დატოვეს თანამდებობები. ვინ იდგა ამ ყველაფრის უკან? ვინ აფარებდა ხელს იმ კონკრეტულ ადამიანებს რომლებიც წლების განმავლობაში 2012 წლის მერე მუშაობდნენ შინაგან საქმეთა სამინისტროს სისტემაში.

რა თქმა უნდა ხელისუფლება ამ საქმის გახსნით ვერ გაექცევა და ვერ აირიდებს თავიდან პასუხისმგებლობას, რომელიც მას ეკისრება, მის მიერვე გამოცხადებული ყველაზე დიდი გამოწვევის, იური ვაზაგაშვილის მკვლელობის საქმის გახსნისგან.

მიუხედავად ჩვენი უაღრესად კრიტიკული დამოკიდებულებისა პროკურატურისადმი საზოგადოების ინტერესი და თითოეული ჩვენთაგანის ინტერესი არის ძალიან მაღალი და მინდა გამოვთქვა იმედი, რომ იქნება შესაძლებელი იური ვაზაგაშვილის მკვლელობის საქმის გახსნა უმოკლეს დროში.

ამასთანავე არ შემიძლია ხაზგასმით არ ავღნიშნო, რომ ამ გახმაურებული საქმის გამოძიებას დასჭირდა წლები, ეს ადამიანები მუშაობდნენ მაღალ თანამდებობებზე შინაგან საქმეთა სამინისტროში და აქვე შევახსენებ საზოგადოებას იმ ფაქტს, რომ თავდაცვის სამინისტროს თანამშრომლები, რომლებიც აქტიურად თანამშრომლობდნენ გამოძიებასთან თვეების მანძილზე, იქნან აყვანილი მძევლად, პოლიტიკური ანგარიშწორების და პოლიტიკური კამპანიის „ირაკლი ალასანიას წინააღმდეგ“ წარმართული კამპანიის მიზნით. ამიტომ პროკურატურის საქმინაობა მაინც ვერანაირ კრიტიკას ვერ გაუძლებს“. - განაცხადა ალექსი პეტრიაშვილმა.