„ნაციონალური მოძრაობის“ წევრი დავით დარჩიაშვილი მაღალჩინოსნების დაკავებას პოლიტიზირებულ პროცესად აფასებს.

მისი თქმით, ეს კიდევ ერთ დარტყმას მიაყენებს დემოკრატიულ პერსპექტივას საქართველოში.

„პროცესი არის აბსოლუტურად პოლიტიზირებული. ყოველგვარი განსჯის გარეშე პირდაპირ უშვერენ თითებს პოლიტიკური ჯგუფები „ერთიან ნაციონალურ მოძრაობას“, ამას კამპანიურად აყოლებენ ყოფილი სამართალდამცავების დაპატიმრებას. ეს იქნება კიდევ ერთი კუდიანებზე ნადირობის პროცესი, რომელიც კიდევ ერთ დარტყმას მიაყენებს დემოკრატიულ პერსპექტივას საქართველოში“. - განაცხადა დავით დარჩიაშვილმა.

შეგახსენებთ, რომ საქართველოს პროკურატურამ დღეს 11 ყოფილი ძალოვანი მაღალჩინოსანი დააკავა და ზურაბ ვაზაგაშვილის მკვლელობის საქმე გახსნილად გამოაცხადა.