საქართველოს ყოფილი პრეზიდენტი, მიხეილ სააკაშვილი უკრაინის ანტიკორუფციული ბიუროს დირექტორის თანამდებობაზე გამოცხადებულ კონკურსში მიიღებს მონაწილეობას.

სააკაშვილის თქმით, თავისუფლებისთვის ბრძოლამ, რომელიც საქართველოში მიმდინარეობდა, დღეს უკრაინაში გადაინაცვლა. „კორუფცია, უკრაინისთვის ისეთივე მტერია, როგორც რუსული ჯარი და ტანკები“- განაცხადა სააკაშილმა "Цензор"-თან ინტერვიუში.

მისი თქმით, კორუფციასთან ბრძოლის სამოქმედო პროგრამა, საქართველოს წარმატებულ გამოცდილებას დაეფუძნება.

ინტერვიუს დასასრულს, ექს-პრეზიდენტმა აღნიშნა, რომ უკრაინის დასახმარებლად პირად საერთაშორისო კავშირებს გამოიყენებს და უკრაინას მძიმე ვითარებიდან გამოსვლაში დაეხმარება.