ეს არის დარტყმა პოლიციაზე, რომელსაც სისტემა ვერ გადაიტანს- თარგამაძე

პოლიტიკა - 14:07, 02 Feb, 2015

1495

გივი თარგამაძემ ზურაბ ვაზაგაშვილის საქმეზე ყოფილი პოლიციელების დაკავებასთან დაკავშირებით პრესკონფერენცია გამართა. თარგამაძის თქმით, ხელისუფლებამ დადგა სპექტაკლი იმისთვის, რომ საკუთარი უნიათობა გადაფაროს.

"დღეს ფაქტიურად დილიდან ხორციელდება წინასარ გამოცხადებული დაკავებების ქრონიკა. ხაზგასმით მინდა ავღნიშნრო რომ ეს გადაწყვეტილებები იმ დღესვე იყო მიღებული როდესაც მიხვდნენ რომ ვერ გახსნიან იური ვაზაგაშვილის მკვლელობას. იმისთვის რომ საკუთარი უნიათობა კიდევ ერთხელ გადაფარონ დადგეს ეს სპექტაკლი, რომელიც საბოლოო ჯამში არამხოლოდ ამ ადამიანების ოჯახებს დააზარელებს, არამედ საბოლოოდ დაანგრევს ქვეყანაში პოლიციურ სისტემას. აქედან გამომდინარე, ამ თემაზე მიზანმიმართული შეტევა მიმდინარეობს თვეების მანძილზე და ეს ფაქტიურად შეგვიძლია განვიხილოთ როგორც დასკვნითი აქტი როდესაც აკავებენ ადამიანებს, დამსხურებულ პოლიციელებს, რომლებიც დღეების მანძილზე აცხადებდნენ რომ არსად მიდიოდნენ, ვერ განახორციელებენ მოწმეებზე ზეწოლას რადგან აღარ მუშაობენ იმ სტრუქტურებში და ითანამშრომლებენ პოლიციასთან. ჯერ კიდევ გუშინ ღამით აპირებდნენ რაღაც სპეცეფექტებით მათ დაკავებას, მაგრამ მათ თქვეს რომ მზად არიან და მივიდნენ საგამოძიებო სტრუქტრებში, ეს ღამეს არ განხორციელდა. დღეს დილიდან მაინც ჩამოუარეს სახლებში და დააკავეს, მიუხედავად იმისა რომ თითოეული მათგანი მზად იყო გამოძახებისთანავე მისულიყო საგამოძიები სტრუქტურაში. ასევე ხორციელდება შეტევა სპეცრაზმის თანამშრომელზე. მათი უმეტესობა ჯერ კიდევ გუშინ მოქმედი თანამშრომელი იყო, გუშინ დააწერინეს პატაკები სისტემიდან წასვლაზე და დღეს დააკავეს. დაახლოებით 5 სპეცრაზმელია დაკავებული. სპეცრაზმის ხელმძღვანელი კახა ნაკანი,მისი მოადგილე, სპეცრაზმის თანამშრომლები. მათ აკავებენ იმის გამო რომ თავის დროზე შეასრულეს თავიანთ მოვალეობა. ეს არის ბირთვი პოლიციის, მათ შორის მოქმედი პოლიციისას. ეს არის დარტყმა, რომელსაც სისტემა უბრალოდ ვეღარ გადაიტანს. ეს ყველაფერი კი ხდება მხოლოდ და მხოლოდ იმისთვის რომ გადაფარონ საკუთარი უნიათობა, რომ ვერ ხსნიან იური ვაზაგაშვილის მკვლელობას. ეს მიუძღვნეს იური ვაზაგაშილის დაბადების დღეს, რომელიც 9 თებერვალს არის და გარკვეული მსხვერპლ შეწრივის რიტუალი ჩაატარეს. რამდენი რამ უნდა შეწიროს ამ ქვეყნის სისტემის ნაწილებიდან ბიძნა ივანიშვილმა კიდევ საკუთარი ძალაუფლების გახანრგძლივებას ეს არის საკითხავი. მაგრამ ამ ადამიანებს ვარწმუნებ რომ ეფექტი იქნება სრულიად საწინააღმდეგო იმისა რასაც ისინი ელიან. პოლიცია არის ერთიანი სტრუქტურა, რასაც ჯერ კიდევ ვერ მიხვდა დღევანდელი ხელისუფლება. ის ყველა ასეთ შემოტევაზე რეაგირებს ერთიანად. აქამდე თუ უბრალოდ მოტივაცია დაკარგული იყო თითოეული პოლიციელი ახალი ხელმძღვანელობის მათ მიერ დამოკიდებულების გამო, დღეს ისინი იქნებიან შეკრულები ასე ვთქვათ თავდაცვითი ღონისძიებებისთვის და ყველაზე სამწუხაროა, რომ მათ უწევთ საკითარი თავსი დაცვა ქვეყნის ხელისუფლებისგან. ეს არის სისტემური კატასტროფა",-განაცხადა გივი თარგამაძემ.