რჩევა იუსტიციის მინისტრს - ნუ დაემუქრებით უკრაინას "მომავალი ურთიერთობის დაზიანებით"

სოც.მედია - 22:06, 01 Feb, 2015

2726

,,დემოკრატიული განვითარების ეროვნული ცენტრის“ ხელმძღვანელი მუხრან ბურჭულაძე იუსტიციის მინისტრს მიმართავს და თეა წულუკიანს რამდენიმე რჩევას აძლევს.

,,ბატონო იუსტიციის მინისტრო, ყოველგვარი ქვეტექსტების გარეშე, გულით მინდა ორიოდ რჩევა მოგცეთ, რადგან ეს საკითხი ჩემს ქვეყანას ეხება.

თუ უკრაინის მთავრობა თქვენთან შესახვედრად მზადყოფნას ვერ აცხადებს, გაითვალისწინეთ შემდეგი;

1) ნუ გაკიცხავთ საკუთარ ქვეყანაში განხორციელებულ იმ წარმატებულ პროექტებს, რამაც სახელი მოუტანა ჩვენს სამშობლოს და რის განხორციელებასაც გვთხოვს ახლა ეს მოკავშირე ქვეყანა და ხალხი;

2) ნუ გააკრიტიკებთ პარტნიორი კოლეგების საკადრო გადაწყვეტილებებს - ეს მეტად მძიმე ტონია და ნუ დაემუქრებით მათ "მომავალი ურთიერთობის დაზიანებით";

3) როდესაც მოკავშირე ქვეყნის მინისტრის მოადგილე სტუმრობს ქვეყანას, მას უნდა დახვდეთ თქვენ როგორც თანაბარი რანგისა და სფეროს წარმომადგენელი - ამას სპეციალური სამსახური მოგიგვარებთ. (და მე -არასამთავრობოს წარმომადგენელს არ უნდა მიწევდეს განხორციელებული რეფორმების პრეზენტირება, თუმცა ეს ჩემთვის ცხადია დიდი პატივია)...“- წერს მუხრან ბურჭულაძე სოციალურ ქსელში.