გომელაური არ არის ის მინისტრი, რომელიც სიებით მართავს სამინისტროს

გომელაური არ არის ის მინისტრი, რომელიც სიებით მართავს სამინისტროს - თალაკვაძე

პოლიტიკა - 16:03, 01 Feb, 2015

2236

„ვახტანგ გომელაური არ არის ის მინისტრი და ის ადამიანი, რომელიც სიებით მართავს სამინისტროს“ - ეს განცხადება მინისტრის მოადგილემ მედიაში გავრცელებულ ინფორმაციასთან დაკავშირებით გააკეთა, რომლის თანახმადაც ვახტანგ გომელაურმა ”ნაციონალურ მოძრაობასთან” და გახმაურებულ საქმეებთან შემხებლობაში მყოფ თანამშრომელთა სია მოითხოვა და რის საფუძველზეც უწყებაში საკადრო ცვლილებები დაანონსდა.

შს მინისტრის მოადგილემ, არჩილ თალაკვაძემ ასევე აღნიშნა, რომ მიმდინარეობს გამოძიება და თუ გამოიკვეთება ჩვენი სამინისტროს თანამშრომლების ბრალეულობა შესაბამისი გადაწყვეტილება აუცილებლად მიღებული იქნება.

„ვახტანგ გომელაური არ არის ის მინისტრი და ის ადამიანი, რომელიც სიებით მართავს სამინისტროს. იცით, რომ გამოძიება მიმდინარეობს, თუკი გამოიკვეთება რომელიმე ჩვენი თანამშრომლის ბრალეულობა, აუცილებლად იქნება ადექვატური გადაწყვეტილება მიღებული. არაერთმა მაღალჩინოსანმა უკვე დატოვა თანამდებობები, სწორედ იმ შეკითხვების გამო, რაც საზოგადოებაში არსებობდა“ - განაცხადა თალაკვაძემ.