პარლამენტის დეპუტატის თამაზ ავდალიანის გარდაცვალების გამო მწუხარება საქართველოს პრემიერ მინისტრმა გამოთქვა, ირაკლი ღარიბაშვილმა „ქართული ოცნების“ დეპუტატს საქართველოსთვის გულანთებული ადამიანი უწოდა და განაცხადა, რომ ავდალიანი ვალმოხილი წავიდა ამ ქვეყნიდან:

„დიდ მწუხარებას გამოვთქვამ ჩვენი მეგობრისა და თანამებრძოლის თამაზ ავდალიანის გარდაიცვალების გამო. იგი იყო ნამდვილი პატრიოტი, საქართველოსთვის გულანთებული კაცი. პარტია ,,ქართული ოცნების“ დაარსების დღიდან ერთად ვიბრძოდით ჩვენი ქვეყნის უკეთესი მომავლისთვის.

სიკეთით, წესიერებითა და თავმდაბლობით იყო გამორჩეული თამაზ ავდალიანი. იგი ერთგულად ემსახუროდა ქვეყანას და ვალმოხდილი წავიდა ჩვენგან.

ვუსამძიმრებ და თანაგრძნობას ვუცხადებ თამაზ ავდალიანის ოჯახს, მის ახლობლებსა და კოლეგებს.“- აღნიშნა ღარიბაშვილმა.