,,ისინი ივანიშვილის პირადი პატიმრები არიან" - ალასანიას სკანდალური განცხადება

პოლიტიკა - 22:59, 30 Jan, 2015

3673

ირაკლი ალასანიამ გადაცემა „რეაქციის“ ეთერში, პატიმრობაში მყოფი ყოფილი თანამშრომლების შესახებ ისაუბრა და მათ ბიძინა ივანიშვილის პირადი პატიმრები უწოდა. ალასანიას თქმით, მიუხედავად იმისა რომ მას გამოძიების მიმართ სრული უნდობლობა აქვს, ცდილობს გამოძიებას შანსი მისცეს.

ალასანიამ კომენტარი მთავარი პროკურორის მოადგილის ირაკლი შოთაძის შესახებაც გააკეთა და განაცხადა, რომ პროკურატურა და თავად შოთაძეც ივანიშვილის დიქტატის ქვეშაა.

„ის სუბიექტი რომელიც ლაპარაკობდა თქვენს ეთერში, ის არის დე ფაქტო პრემიერის სრული დიქტატის ქვეშ“- აღნიშნა ალასანიამ.

ყოფილმა თავდაცვის მინიტრმა ხელისუფლებიდან გაშვებული ე.წ კახურ ჯგუფთან დაკავშირებითაც ისაუბრა და განაცხადა , რომ მიუხედავად იმისა, რომ ამ ჯგუფს ბიზნესის ხელშეშლაში და არამართებულ საქმიანობაში ადანაშაულებდნენ, მათ მიმართ გამოძიება დაწყებულა.

„ რატომ არ არის სისხლის სამართლის საქმეები აღძრული კახური ჯგუფის მიმართ, იგივე ჯანყარაშვილის, ჩხენკელების წინააღმდეგ, ახალ ფილმებს დაველოდოთ? იმიტომ რომ ხელს აფარებს, ბოლომდე არ არის მარტალი, არც მოქმედი პრემიერი და არც ფიქტიური პრემიერი, ხელს აფარებს იმიტომ რომ საბოლოოდ გამოძიება მის ძალიან ახლო გარემოცვამდე არ მივიდეს. თავდაცვის სამინისტროს თანამშრომლებთან დაკავშირებით კი მან პროკურატურას დაასწრო“ - განაცხადა ალასანიამ.

,,ივანიშვილმა ტყული თქვა, თითქოს დელტაკომი სთავაზობდა უფასოდ მომსახურებას შსს-ს და დელტაკომმა აღიარა რომ კოლოსალურ გადასახადებს იღებს შსსს-დან მაგრამ პირი აქვთ შეკრული უწყებებს და ადვოკატებს ინფორმაციას არ აძლევენ, არ უნდათ რომ ადვოკატებმა მტკიცებულებითი ბაზა დააგროვონ, შსს- წერს რომ არ გაფორმებულა ეს შეთანხმება და ამიტომ ვერ მოგაწვდით - ეს არის ამთი პასუხი.

ესენი არიან ივანიშვილის პირადი პატიმრები, თავდაცვის თანამშრომლები, ის ავალებდა პროკურორებს, რომ სწრაფად მომხარდარიყო დაკავება და ჩემზე პოლიტიჯურ ზეწოლა მომხდარიყო, ეხლა გავრცელდა ინფორმაცია, რომ კიდევ უნდა პროკურორებს პროცესის გადატანა და თუ ეს დამტკიცდა მოწმობს, რომ არ აქვთ მტკიცებულებები. უსაფუძვოდ 5 ადამიანი მერამდენე თვეა ტყვეობაში იმყოფება, ეს არიან ივანიშვილის პირადი ტყვეები“ - განაცხადა ალასანიამ.