მთავარი პროკურორის მოადგილის, ირაკლი შოთაძის განცხადებით, იური ვაზაგაშვილის მკვლელობის საქმეზე გადაუდებელი და აუცილებელი საგამოძიებო მოქმედებები რომელიც საქმის გახსნისთვის საჭირო ყოველდღიურად გრძელდება,

„ამ ეტაპზე დეტალურად არ შემიძლია იმაზე საუბარი, თუ რა არის საქმეში მოპოვებული. რა თქმა უნდა, ჩვენ რამდენიმე ვერსიაზე ვმუშაობთ ამ ეტაპზე. საქმეში არის წინსვლა. 11 დღით ადრე გაცილებით ნაკლები ვიცოდით, ვიდრე დღეს ვიცით. ჩვენ ამ ვერსიებზე ძალიან აქტიურად ვმუშაობთ. ჩასატარებელია საკმაოდ ბევრი საგამოძიებო მოქმედება“, - განაცხადა მთავარი პროკურორის მოადგილემ.

რაც შეეხება გამოძიების დასრულების ვადას, ირაკლი შოთაძე აცხადებს, რომ კონკრეტული ვადის დასახელება შეუძლებელია.

„წინასწარ დადგენილი კრიტერიუმები და შესაძლებლობა, რომ ვისაუბროთ, თუ რა ვადა დასჭირდება საგამოძიებო მოქმედებების ჩატარებას და ინფორმაციის დამუშავებას, ამაზე საუბარი, რა თქმა უნდა, ჩემს მიერ არასწორი იქნება, რადგან ეს რეალურად შეუძლებელია“, - განმარტა მთავარი პროკურორის მოადგილემ.