"ენმ" საქართველოში პოლიტიკურ დევნასთან დაკავშირებით ევროპარლამენტარების შენიშვნას იზიარებს

პოლიტიკა - 17:22, 30 Jan, 2015

1156

"ნაციონალური მოძრაობა" საქართველოში პოლიტიკური ფიგურების დაპატუმრებასთან დაკავშირებით ევროსაბჭოს საპარლამენტო ასამბლეის 30 დეპუტატის მიერ გამოქვეყნებულ დეკლარაციას ეხმაურება და პარლამენტარების მხრიდან საქართველოს ხელისუფლების მიმართ გამოთქმულ კრიტიკას სრულად იზიარებს. დეკლარაციასთან დაკავშირებით „ნაციონალური მოძრაობის“ წევრმა ზურაბ ჭიაბერაშვილმა ისაუბრა და მან ყურადღება გიგი უგულავას საქმესთან დაკავშირებით გაამახვილა და განაცხადა, რომ აუცილებელია ხელისუფლებამ უარი თქვას ამგვარ საკითხებთან დაკავშირებით წინასწარი პატიმრობის მეთოდის გამოყენებაზე.

"ევროსაბჭოს საპარლამენტო ასამბლეის წევრები მოუწოდებენ საქართველოს ხელისუფლებას უარი თქვას პოლიტიკური ოპონენტების მიმართ განხორციელებული დევნისას განსაკუთრებით წინასწარი პატიმრობის გამოყენების მეთოდზე და ამ კონტექტსში ხაზს უსვამენ გიგი უგულავას წინასწარ პატიმრობას.

თუ ოპოზიციის სხვა ლიდერების მიმართ უკვე არის ჩვენი აზრით უკანონო და უსამართლო სასამართლო გადაწყვეტილებები , გიგი უგულავა ჯერ კიდევ წინასწარ პატიმრობაშია და ევროპის საბჭოს საპარლამენტო ასამბლეის წარმომადგენლები ყურადღებას ამახვილებენ სწორედ ამაზე, რომ შეწყდეს უკანონო პატიმრობა. მნიშნელოვანია, რომ ამ განცხადებას ხელს აწერს უკლებლივ ყველა პოლიტიკური ჯგუფის წარმომადგენელი, ეს იქნებიან ევროპელი ლიბერალები, სოციალისტები, ეს იქნება ევროპის სასახლო პარტია თუ სხვა მცირე ჯგუფები ევროპის საპარლამენტო ასამბლეაში. წაგიკითხავთ განცხადებიდან რამდენიმე ციტატას, კერძოდ ისინი იხსენებენ ეუთოს მიერ გამოქვეყნებულ ანგარიშს, როცა 14 ყოფილ მაღალჩინოსნის 327 სასამართლო სხდომას გაუკეთა მონიტორინგი ეუთომ და განაცხადა რომ იყო უამრავი დარღვევა, ისინი ყურადღებას ამახვილებენ წინასწარ პატიმრობაზე და ითხოვენ რომ საქართველოს ხელისუფლებამ უნდა შეწყვიტოს პოლიტიკური დევნა და ამ კონკრეტულ შემთხვევაში წინასწარი პატიმრობის გამოყენება როგორც პოლიტიკური დევნის და დასჯის იარაღი,“-განაცხადა ზურაბ ჭიაბერაშვილმა.