"თავისუფალი დემოკრატების" ერთ-ერთი ლიდერი ალექსი პეტრიაშვილი Human Rights Watch-ის ანგარიშს ეხმაურება და ამბობს, რომ პროკურატურის მუშაობა კრიტიკას ვერ უძლებს.

მისი თქმით, იმ საქმეების პროკურორებმა, რომლებიც საერთაშორისო ორგანიზაციის ანგარიშში მოხვდა, თანამდებობები უნდა დატოვონ:

„ამ ადამიანებმა უბრალოდ უნდა დაწერონ განცხადება და დატოვონ თანამდებობები. გაჭიანურდა ისეთი მნიშვნელოვანი საკითხების გამოძიება, როგორიც ზურაბ ვაზაგაშვილის მკვლელობაა, ასევე სხვა ძალიან მნიშვნელოვანი თემები. აშკარა პოლიტიკურ დაკვეთაში ძალიან სწრაფად იმოქმედეს, მაგრამ ამ შემთხვევაში არაეფექტიანად. პროკურატურამ თავდაცვის სამინისტროს თანამშრომლები მძევლებად აიყვანა, მაგრამ მათი ეს ცდაც კი წარუმატებელი გამოდგა", - განაცხადა პეტრიაშვილმა.