საარჩევნო გარემოს გაუმჯობესებაზე მომუშავე ინტერპარტიული ჯგუფის წევრები პრეზინდეტს ხვდებიან. დახურული შეხვედრა რამდენიმე წუთის წინ დაიწყო. შეხვედრაზე საარჩევნო კანონმდებლობაში შესატან ცვლილებებზე იმსჯელებენ.

„ჩვენ გვაქვს ინიციატივა, რომ შევცვალოთ საარჩევნო სისტემა, რათა პარლამენტში იქნება თუ საკრებულოში ობიექტურად და სამართლიანად შევიდნენ დეპუტატები. ერთმანდატიანი მაჟორიტარული ოლქები აძლევს საშუალებას ხელისუფლებას, რომ მანდატები იქურდოს. ჩვენი პრინციპები არის მთავარი, რომ რამდენ პროცენტსაც მიიღებ ხმების, იმდენი პროცენტი მიიღო მანდატების პარლამენტშიც და საკრებულოშიც და ყველა მანდატს თანაბარი წონა ჰქონდეს“ , - განაცხადა „ახალი მემარჯვენეების“ მთავარი კომიტეტის წევრმა მამუკა კაციტაძემ.

პროპორციულ სისტემას მხარს უჭერს „ეროვნულ-დემოკრატიული“ პარტიაც.

„პოლიტიკურ სპექტრში, არასამთავრობო სექტორში და უფრო მეტად ხელისუფლებაში არსებობს ადამიანების გარკვეული ჯგუფი, რომლებიც პროპორციულ სისტემას უჭერს მხარს, მაგრამ მათ სხვა შეხედულებები აქვთ ამ სისტემასთან მიმართებაში, თუმცა ჩვენი პოზიცია პრინციპულია“, - აღნიშნა „ეროვნულ-დემოკრატიული“ პარტიის ლიდერმა ბაჩუკი ქარდავამ.