ნატოს გენერალური მდივნის მოადგილე, ალექსანდრე ვერშბოუ საქართველოს თავდაცვის მინისტრ, მინდია ჯანელიძესთან ერთად, ვაზიანის სამხედრო პოლიგონზე საჩვენებელი წვრთნას დაესწრო.

როგორც წვრთნების დასრულების შემდეგ თავდაცვის მინისტრმა კომენტარი ნატო-ს სასწავლო ცენტრთან დაკავშირებით გააკეთა და აღნიშნა, რომ ამ დროისთვის ცენტრისთვის ადგილის მოძიება მიმდინარეობს.

„სწავლებაში მონაწილეობდნენ საჰაერო და საარეტილერიო ძალები. ჩატარდა კომბინირებული წვრთნა. წვრთნას ესწრებოდა ნატოს გენერალური მდივნის მოადგილე. როგორც მოგეხსენებათ, ამჟამად მიმდინარეობს ნატოსთან ერთობლივი წვრთნისა და შეფასების ცენტრისთვის შესაბამისი ადგილის მოძიება. ეს პროცესი გრძელდება. ვაზიანი არის ერთ-ერთი ადგილი, სადაც შეიძლება ეს ცენტრი გაიხსნას“, - განაცხადა ჯანელიძემ.