თავდაცვის მინისტრი მინდია ჯანელიძე ნატო-ს გენერალური მდივნის მოადგილეს ალექსანდრე ვერშბოუს შეხვდა.

როგორც შეხვედრის დასრულების შემდეგ ჯანელიძემ განაცხადა, შეხვედრაზე განსაკუთრებული ყურადღება ნატო-საქართველოს არსებით პაკეტს დაეთმო.

"ნატო-სთან ურთიერთობა მიმდინარეობს დინამიურად და წარმატებულად. უელსის სამიტზე მიღებული არსებითი პაკეტის იმპლემენტაციის პროცესი დაწყებულია. ჩვენ ამ რეჟიმში უნდა გავაგრძელოთ ურთიერთობა და თანამშრომლობა ნატო-სთან, რომ საზოგადოებამ და შეიარაღებულმა ძალებმა დაინახოს კონკრეტული პოზიტიური შედეგები ნატო-საქართველოს ურთიერთობაში. რაც შეეხება დღევანდელ შეხვედრას, შეხვედრა იყო ძალიან მნიშვნელოვანი და განსაკუთრებული ყურადღება დაეთმო ნატო-საქართველოს არსებით პაკეტს“, - განაცხადა ჯანელიძემ.