მესამე სექტორის საქმიანობის კვლევას, არასამთავრობოები, პირდაპირ ზეწოლად აფასებენ და ამ ქმედებას, ბიძინა ივანიშვილის მხრიდან მათ პირად ცხოვრებაში ჩარევად აფასებენ.

ნინო ლომჯარია აღნიშნავს, რომ მსგავსი განცხადებები არის ძალიან ცუდი პრეცენდენტი და არის ყოვლად არასწორი დამოკიდებულება ხელისუფლების მხრიდან სამოქალაქო სექტორზე.

„რა თქმა უნდა მე ამას განვიხილავ, როგორც ზეწოლას ჩემი სააქმიანობის მიმართ. მე მიჩნდება განცდა რომ ყველაზე გავლენიანი ხელისუფლების წარმომადგენელი აკვირდება ჩემს ცხოვრებას, რაც გარკვეულ დისკომფორტს მიქმნის.

რა თქმა უნდა არ ვაპირებ არაფრის შეცვლას, მაგრამ ეს არის ძალიან ცუდი პრეცენდენტი და არის ყოვლად არასწორი დამოკიდებულება ხელისუფლების მხრიდან სამოქალაქო სექტორზე“.- განაცხადა „ სამართლიანი არჩევნების“ აღმასრულებელმა დირექტორმა ნინო ლომჯარიამ.

აღნიშნულ განცხადებამდე კი ლომჯარია აღნიშნულ ფაქტს სოციალური ქსელის პირად გვერდზეც გამოეხმაურა, - “უცებ წარმოვიდგინე, როგორ მომდის მოსაწვევი ორგანიზაცია "მოქალაქისგან" ჩემი პიროვნების კვლევის პრეზენტაციაზე . რა ვქნა, გავიცინო თუ არა?”,- წერს ნინო ლომჯარია ფეისბუქის პირად გვერდზე.

არასამთავრობო ორგანიზაცია „მოქალაქის“ დამფუძნებელმა, ექსპრემიერმა ბიძინა ივანიშვილმა გუშინ განაცხადა, რომ არასამთავრობო ორგანიზაციებთან დაკავშირებით კვლევა მზადდება. მისი თქმით, არასამთავრობოებზე საინტერესო კვლევა გამოქვეყნდება, განსაკუთრებით კი, ეკა გიგაურზე, ნინო ლომჯარიასა და კახა კოჟორიძეზე, რომლებიც ივანიშვილის თქმით, ყველაზე აქტიურები არიან.