დევნილთა მინისტრის ინფორმაციით, 35 ეკომიგრანტს 1 ლარად საკუთრებაში სახლები გადაეცა. სოზარ სუბარის განმარტებით, ამ სახლებში ეკომიგრანტები დიდი ხანია ცხოვრობენ, თუმცა ის მათ საკუთრებაში იყო.

ასევე, მინისტრის ინფორმაციით, მთავრობის სხდომაზე მიღებული იქნა გადაწყვეტილება, რომ 18 წლამდე ახალგაზრდებისთვის შემუშავდება პროგრამა, რომელიც მათ დაეხმარება ჯერ ქართული ენის შესწავლაში, შემდეგ - შესაბამის კლასებში ჩართვაში. სუბარის თქმით, ამ დროისთვის 363 ასეთი ახალგაზრდაა.

მინისტრის ინფორმაციით, სხდომაზე დამტკიცდა დევნილთა სახელმწიფო სტრატეგიის განვითარების 2015-2016 წლების სამოქმედო გეგმა, რომელიც ითვალისწინებს, რომ დევნილებს ჰქონდეთ საცხოვრებელი პირობები, შემოსავალი და ასე შემდეგ.