პარტია „ქართული ოცნება - დემოკრატიულ საქართველოში“ რეორგანიზაცია მიმდინარეობს და ამ პროცესში საკადრო ცვლილებებიც განხორციელდება.

ამის შესახებ პარტიის აღმასრულებელმა მდივანმა გიორგი კობახიძემ განაცხადა.

მისი თქმით, მიმდინარეობს ცენტრალური რგოლის და რაიონული ორგანიზაციების გაძლიერება.

"ჩვენი ამოცანაა, რომ "ქართული ოცნება" ჩამოყალიბდეს ევროპული ტიპის ძლიერ პარტიად, რომელიც ზურგს გაუმაგრებს ჩვენ წარმომადგენლობას ხელისუფლების სხვადასხვა სტრუქტურაში. ჩვენ ვართ სახელისუფლებო პარტია და აქედან გამომდინარე განსაკუთრებული გამოწვევების წინაშე ვდგავართ. ყველაფერს გავაკეთებთ იმისთვის, რომ მაქსიმალურად კარგი სურათი მივიღოთ ადგილობრივ ორგანიზაციებში და მაქსიმალურად აღმოვფხვრათ ის პრობლემები, რომელიც არის. ვართ რეორგანიზაციის პროცესში“, - განაცხადა კობახიძემ.