ნატოს გენერალური მდივნის მოადგილის ალექსანდრე ვერშბოუს განცხადებით, საქართველოსთვის ნატოში გაწევრიანება მნიშვნელოვანია.

ამის შესახებ ვერშბოუმ ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრ, დავით ბაქრაძესთან შეხვედრის შემდეგ განაცხადა.

მისი თქმით, შეხვედრაზე რეგიონში არსებულ მდგომარეობაზე და რუსეთ-აფხაზეთს შორის გაფორმებულ ე.წ. შეთანხმებაზე ისაუბრეს.

„საქართველოს ნატო-ს შესანიშნავი პარტნიორია, რომელსაც მშვიდობის გამტკიცების საკითხში თავისი წვლილი შეაქვს. დავით ბაქრაძესთან შეხვედრაზე განვიხილეთ ნატო-საქართველოს არსებითი პაკეტის ინპლემენტაციის საკითხი. ასევე, გვქონდა შესაძლბელობა გვესაუბრა რეფორმებზე, რომლებიც საქართველომ უნდა გაატაროს. საუბარი შეეხო აფხაზეთსა და რუსეთს შორის გაფორმებულ ე.წ. ხელშეკრულებას. მინდა ვთქვა, რომ მხარს ვუჭერ საქართველოს ტერიორიულ მთლიანობას საერთაშორისოდ აღიარებულ საზღვრებში. ასევე, მხარს ვუჭერ საქართველოს ევროატლანტიკურ მისწრაფებას,“ - განაცხადა ვერშბოუმ.