პრემიერ-მინისტრი ლარის კურსის ვარდნას კიდევ ერთხელ გამოეხმაურა და აღნიშნა, რომ საგანგაშო ქვეყანაში არაფერი ხდება.როგორც ირაკლი ღარიბაშვილმა მთავრობის სხდომაზე განაცხადა, მას ეკონომიკურ გუნდთან ჰქონდა შეხვედრა სადაც განხილული იყო, თუ რა გავლენას ახდენს მსოფლიოში მიმდინარე მოვლენები ჩვენს ეკონომიკაზე და ვალუტაზე.

„მინდა შედარებისთვის რამდენიმე მაგალითი მოვიყვანო. ისეთი ვალუტა, როგორიცაა უკრაინული გრივნა გაუფასურდა 88 პროცენტით, რუსული რუბლი 83 პროცენტით, ბელორუსული რუბლი - 56 პროცენტით, მოლდოვური ლეი 31 პროცენტით, შვედური კრონა - 30 პროცენტით, ნორვეგიული კრონაც ასევე 30 პროცენტით, პოლონური ზლოტი გაუფასურდა 27 პროცენტით, უნგრული ფორინტი - 24 პროცენტით, ევრო 22 პროცენტით და ა.შ. ქართული ლარი გაუფასურებულია 12 პროცენტით, ამის შემდეგ მოდის გირვანქა სტერლინგი 10 პროცენტით. მაგალითები მოვიყვანე იმისთვის, რომ მოსახლეობას ავუხსნათ განსაკუთრებული და საგანგაშო ჩვენ ქვეყანაში არ ხდება. ეს არის მთელ მსოფლიოში მიმდინარე ტენდენციები", - განაცხადა ღარიბაშვილმა.