ექსპერტი გია ხუხაშვილი ყოფილი პრემიერი ბიძინა ივანიშვილის ინტერვიუს აფასებს.

„ირაკლი ღარიბაშვილი აღარ არის ბიძინა ივანიშვილის ფავოროტი. როდესაც ის გადაჭრით ამბობს, რომ ნათესავები პრემიერის პრობლემად იქცა, ეს უკვე შემდგარი ფაქტია ანუ გაფრთხილება არ არის. ორ-სამ თვეში ბევრად უფრო მკაცრად შეგვეძლება ვისაუბროთ თუ რამე სისტემურად არ შეცვალა აღმასრულებელმა ხელისუფლებამ და შეიძლება კრიზისის პიკი მივიღოთ“, - აცხადებს გია ხუხაშვილი.

ყოფილმა პრემიერმა ბიძინა ივანიშვილმა ტელეკომპანია „იმედისთვის“ მიცემულ ინტერვიუში განაცხადა, რომ ნათესავებთან დაკავშირებით ირაკლი ღარიბაშვილთან საუბარი ჰქონდა.

„მისთვის რამდენჯერმე მაქვს ნათქვამი, შენი პრობლემა იქნება შენი ნათესავები და დაცვა და საზოგადოება არ გააღიზიანო არც ერთით და არც მეორითთქო. დაცვა ძალიან აქტურობს და პრინციპში, დღესაც პრობლემა მაქვს, ბიჭებს ყოველ დღე ვახსენებ, რომ უფრო დინჯად მოიქცნენ. ღარიბაშვილისთვისაც ერთ-ერთი გამოწვევა იყო ნათესავები“, - განაცხადა ივანიშვილმა.