ყოფილი პრემიერი ბიძინა ივანიშვილის განცხადებით, თბილისის მერს დავით ნარმანიას, პირველ ეტაპზე თანამდებობასთან შეგუება გაუჭირდა.

ამის შესახებ ივანიშვილმა ტელეკომპანია "იმედის" ეთრში საუბრისას განაცხადა.

ექსპრემიერის თქმით, საერთო ჯამში ის დავით ნარმანიას მუშაობით კმაყოფილია, თუმცა თვლის, რომ ნარმანიამ მუშაობის ტემპს უნდა მოუმატოს.

"მიუხედავად იმისა, რომ იგი არ არის თბილისელი და უჭირს შეგუება ქალაქთან, ნარმანია მაინც კარგად ართმევს თავს დაკისრებულ მოვალეობებს. მე მომწონს დავით ნარმანიას მეთოდურობა, მაგრამ ის პროფესიონალიზმი და მეთოდურობა, რომელიც მას ახასიათებს. ამავდროულად როდესაც "ნაციონალური მოძრაობა" ცდილობდა მისთვის საბოტაჟი მოეხდინა და რაღაც ეტაპზე თქვენც ატყობდით ალბათ და საზოგადოებაც, რომ მას გაუჭირდა. ჩვენ უნდა შევეჩვიოთ, ნარმანია თავისთავად უნდა იყოს მაქსიმალურად ეფექტური. მე მომწონს მისი მეთოდურობა, ზოგჯერ ინერტულობაც კი რაც ზოგჯერ წინააღმდეგობაში მოდის ქართულ ხასიათთან"-განაცხადა ივანიშვილმა.