ყოფილი პრემიერის ბიძინა ივანიშვილის განცხადებით, ლარის გაუფასურება მოგონილი თემაა და ეს საკითხი საზოგადოებას ტვირთად არ აწევს.

მისი თქმით, არაფერი გასაკუთრებული არ ხდება გარდა კარგისა.

"მოგონილი თემაა ეს. ლარის კურსი საზოგადოებას ტვირთად არ აწევს. "რუსთავი 2" ახდენს აგიტაციას. ეს ფასებზე არ ასახულა. ლარი აჩვენებს სწორედ, რომ ცოცხალი და ჯანმრთელი ორგანიზმია. რაც ხდება გლობალურ პოლიტიკაში და მსოფლიოში, ეს ასახვას ჰპოვებს საქართველოზეც. ეკონომიკა და ბიზნესი რთული თემაა და ალღოა საჭირო. ალღო უნდა, ასე მარტივი არ არის სად დააბანდო შენი კაპიტალი, დოლარში თუ ლარში, თუ ევროში გადაიტანო. ეს არის პროცესი, ეს არის ბიზნეს პროცესი და მოსახლეობაც ამ პროცესებში უნდა გაერკვეს. თუ ვერ ერკვევა ბანკირი დაიქირავოს, ან სპეციალისტი ვინც ამაში ერკვევა და რჩევა მიიღოს,"- განაცხადა პრემიერმა.

ექსპრემიერის თქმით, კარის კურსის ვარდნას ფასების ზრდა არ გამოუწვევია და თუ ასე მოხდება, მთავრობა პრობლემის მოგვარებაში ჩაერთვება.

„ლარი იქცევა ძალიან ადეკვატურად, ჯანსაღად და ჯანმრთელად“, - განაცხადა ივანიშვილმა.