ყოფილი პრემიერს ბიძინა ივანიშვილის ინფორმაციით, ის ხშირად აფრთხილებდა ირაკლი ღარიბაშვილს, რომ ნათესავების მისთვის პრობლემა იქნებოდნენ.

ამის შესახებ ივანიშვილმა ტელეკომპანია „იმედის“ ეთერში განაცხადა.

„მისთვის რამდენჯერმე მაქვს ნათქვამი, შენი პრობლემა იქნება შენი ნათესავები და დაცვა და საზოგადოება არ გააღიზიანო არც ერთით და არც მეორითთქო. დაცვა ძალიან აქტურობს და პრინციპში, დღესაც პრობლემა მაქვს, ბიჭებს ყოველ დღე ვახსენებ, რომ უფრო დინჯად მოიქცნენ. ღარიბაშვილისთვისაც ერთ-ერთი გამოწვევა იყო ნათესავები. იცით, როცა ღარიბაშვილი შს მინისტრი იყო, ჯანყარაშვილი დაიხმარა და მას პოსტიც ეკავა. მე ადრეც ვეუბნებოდი ღარიბაშვილს ჯანყარაშვილზე, რომ ეს კაცი აქ არ უნდა იყოს-თქო, მაგრამ მას რეაქცია არ გაუკეთებია, მხოლოდ მას შემდეგ იმოქმედა როდესაც ხალხმა გააგრძელა კრიტიკა. იმას, რომ ღარიბაშვილის ნათესავები აკონტროლებენ ხელისუფლებას და ა.შ. მე ამას არ ვეთანხმები. ეს ყოველივე არის „ნაციონალების“ აგორებული და ამოწეული, რაც ანაგვიანებს ქართულ პოლიტიკას. იმდენს საუბრობენ ყველაფერზე რომ შავია ხალხსაც აბნევენ და უჭირს მოსახლეობას გადაწყვეტილებების და საერთოდ აზრის მიღება.