Bloomberg აქვეყნებს სტატიას სათაურით „მეუღლის სტატუსიდან ლიდერობამდე - ქალები გენდერული უთანასწორობის პრობლემას თავიდან იშორებენ “.

სტატია მსოფლიო ეკონომიკურ ფორუმში პატრიცია მარინოს მონაწილეობას შეეხება. გენდერული თანასწორობის შესახებ სტატიაში დავოსის ეკონომიკურ ფორუმში საქართველოს საგარეო საქმეთა მინისტრის მონაწილეობაზეც არის საუბარი. „გენდერული თანასწორობა არც თამარ ბერუჩაშვილის მთავარი იდეა არ ყოფილა დავოსში. საქართველოს საგარეო საქმეთა მინისტრის რანგში ის ორმხრივ შეხვედრებს მართავდა ისეთ საკითხებზე, როგორიცაა რუსეთის მიერ საქართველოს ანექსიის საფრთხე.
„მე აქ ჩამოვედი როგორც პროფესიონალი, უდიდესი პასუხისმგებლობით“ - განაცხადა ბერუჩაშვილმა, რომელიც დავოსის ფორუმს პირველად ესწრება’-აღნიშნულია სტატიაში.
თავად სტატიის მთავარი პერსონაჟი პატრიცია ბრაზილიელი ბანკირის მეუღლეა, რომელიც თუ ადრე დავოსში მხოლოდ მეუღლის რანგში ჩადიოდა, დღეს ის დელეგატის სტატუსით 40-მდე სესიას ესწრება. მარინოს აზრით ქალთა წარმომადგენლობა დავოსის ფორუმზე ბოლო წლებში ძალიან შესუსტდა „მე არ ვაპირებ გენდერული თანსწორობის იდეით გამოსვლას დავოსზე, მაგრამ ამ ფაქტის იგნორირებაც არ შეიძლება“. - აცხადებს ის.

ქალები არასდროს ყოფილან მაღალ თანამდებობებზე ისე მასშტაბურად წარმოდგენილნი როგორც დღეს. Global Shapers Community-ს ლიდერთა 54 პროცენტი 20-დან 30 წლამდე ასაკის ქალია - წერს გამოცემა.