“აკვაპარკის” დამფუძნებელმა ზუგდიდის მერია და გუბერნია ქონების წართმევის მცდელობაში დაადანაშაულა

პოლიტიკა - 23:25, 27 Jan, 2015

1836

ზუგდიდის "ჩართულობის ცენტრში" შპს. "აკვა-პარკის" დამფუძნებელმა მანანა მიქავამ 27 იანვარს საგანგებო ბრიფინგი გამართა, ბრიფინგზე მან ქალაქის მერია და გუბერნია კუთვნილი ქონების მიზანმიმართულად წართმევაში დაადანაშაულა.
მდინარე ჩხოუშის მიმდებარე ტერიტორიაზე აკვა-პარკისა და გასართობი ცენტრის მშენებლობაზე მიქავამ ვალდებულება ჯერ კიდევ 2008 წლის 31 დეკემბრის ნასყიდობის ხელშეკრულების საფუძველზე აიღო.როგორც თავად ამბობს, მაშინ ეს ვალდებულება ვერ შეასრულა იმის გამო რომ პატიმრობა მიუსაჯეს. ხელისუფლების შეცვლის შემდეგ მომჩივანმა სასამართლოს მიმართა და წართმეული უფლებების დაბრუნება მოითხოვა, მან ქალაქის მერს წერილობით მიმართა, პასუხად მერიისგან მიიღო 2 თვიანი ვადა, რომლის გასვლის შემდეგაც პირობის შეუსრულერბლობის შემთხვევაში მიქავას ჩამოერთმევა დაყადაღებული ქონება.
მანანა მიქავას ბრალდებებს აბსურდულს უწოდებენ ქალაქის მერიასა და გუბერნიაში. იურიდიული განყოფილების მთავარი სპეციალისტის სანდრო სორდიას განმარტებით, მიქავას 9 წლის განმავლობაში ხელშეკრულებით გათვალისწინებული არც ერთი ვალდებულება არ შეუსრულებია, მან ამ ტერიტორიაზე სავაჭრო ობიექტები განათავსა და საკუთარი მიზნებისთვის იყენებს.
მანანა მიქავა აპირებს საქმის დეტალები ახლანდელ და ყოფილ პრემიერ-მინისტრებს გააცნოს.