დღეს "ნაციონალური მოძრაობის" მიერ გავრცელებულ ვიდეოსთან დაკავშირებით, რომელშიც მოქალაქე საპატრულო პოლიციის თანამშრომელს სიტყვიერ შეურაცხყოფას აყენებს, ანალიტიკოსი არჩილ გამზარდია სოციალურ ქსელში წერს და აღნიშნავს, რომ ამ ვიდეოს შინაარსში და გავრცელების დროში რამდენიმე საგულისხმო მომენტია:

„პატრულთან დაკავშირებულ გავრცელებულ ვიდეოში ერთი რაც დავინახე, იყო ის, რომ ზარის ადრესატს (ცინარიძეს) მოქალაქის მოთხოვნილი ძალისხმევისათვის არ მიუმართავს.

კიდევ ერთი საინტერესო გარემოება ის არის, რომ მოქალაქე უჩიოდა, რომ მასთან მიმართებაში ბოლო ხანებში გარკვეულ არასასურველ ღონისძიებებს მიმართავდნენ (ნომერთან დაკავშირებული), ამასთანავე ის ფაქტი, რომ ვიდეოს ნაციონალური მოძრაობის წევრები ავრცელებენ, ქმნის იმის ვარაუდს, რომ მოცემული შემთხვევა შეიძლება სრულად დაგეგმილი იყო, მაგალითად, შერჩეული იყო პროვოკაციული და არაეთიკური მოქალაქე, მოწყობილი ეპიზოდითა და მსგავსი სადისკრედიტაციო ღონისძიებით სახელმწიფო უწყების მიმართ. თავისთავად, მოქალაქის ქცევა კომენტარს არ ექვემდებარება, მაგრამ მსგავსი პერსონაჟების თავისდაუნებური გამოყენება კონკრეტული მიზნებისათვის პროპაგანდისტული კომუნიკაციური რგოლის ნაწილს შეიძლება წარმოადგენდეს. ეს გარემოებები, რა თქმა უნდა, ბადებს შეკითხვებს "ნაციონალურ მოძრაობასთან მიმართებაში".

კიდევ ერთი საგულისხმო მომენტია, რომ დღეს არის გირგვლიანის სიკვდილის დღე და საინფორმაციო ნიუსი "ნაციონალურმა მოძრაობამ" სწორედ დღეს შეავსო. ესეც ბადებს კითხვის ნიშნებს.“- წერს გამზარდია