„მაუწყებელთა შესახებ“ კანონში დაგეგმილი ცვლილებების განხილვას „ლეიბორისტული პარტიის“ პოლიტიკური მდივანი გიორგი გუგავა ესწრებოდა.

გუგავას განცხადებით დაბალი რეიტინგის მქონე მთავრობას სურვილი აქვს თავისუფალი ტელეკომპანიები დაიმორჩილოს , რათა საკუთარი საინფორმაციო სივრცე შექმნას.

"ის რეგულაციები, რომლის დაკანონებასაც ხელისუფლება აპირებს მიმართულია თავისუფალი მასმედიების წინააღმდეგ რათა დაიმორჩილონ, რადგანაც რაც უფრო უვარება რეიტინგი და კარგავს ნდობას მთავრობა საზოგადოებაში, მით მეტი სურვილი აქვს დაიმორჩილოს და თავისი გავლენის ქვეშ იყოლიოს ტელევიზია, რათა შექმნას საკუთარი საინფორმაციო სივრცე."- განაცხადა გიორგი გუგავამ.

შეგახსენებთ, რომ ცვლილების მიხედვით კერძო მაუწყებლებისთვის სარეკლამო შემოსავლებზე გარკვეული შეზღუდვები წესდება.