დავით საგანელიძემ სახალხო დამცველ უჩა ნანუაშვილის განცხადებასთან დაკავშირებით კომენტარი გააკეთა.

მისი თქმით ხშირია შემთხვევა, როცა მსჯავრდებულები ისეთ ფაქტებსა და თემებს ასახელებენ, რომელიც სიმართლეს აბსოლუტურად არ შეესაბამება.

„მეორეს მხრივ, არის თემები, რომელიც ყურადსაღებია და დაზუსტებას საჭიროებს, რათა რაიმე დეტალი არ გამოგვეპაროს. ზოგჯერ, საკუთარ თავზე ისეთ სიცრუეს წაიკითხავ, რომ ვერ ხვდები, ეს საიდან მოაქვთ, მაგრამ ვინაიდან, სახალხო დამცველი საკითხს ასე აშუქებს და მან სპეციალური განცხადების გაკეთება საჭიროდ ჩათვალა, მიმაჩნია, რომ საკითხის შესწავლა აუცილებლად უნდა მოხდეს. შესაბამის სტუქტურებს ვთხოვდი, რომ ის პიროვნება დაკითხონ, ვისზეც სახალხო დამცველი საუბრობს და მაქსიმალურად ზუსტი ინფორმაცია აიღონ. თუ საქმე სიმართლესთან გვაქვს, მასზე რეაგირება სასწრაფოდ უნდა მოხდეს, მაგრამ თუ ეს ვინმეს ილუზიის ნაყოფია, ესეც გამოჩნდება“, - განაცხადა საგანელიძემ.

სახალხო დამცველმა, უჩა ნანუაშვილმა დღეს განაცხადა, რომ მსჯავრდებული ლ.შ. აცხადებს, რომ მას ირაკლი ფირცხალავა ნარკოტიკული დანაშაულით პასუხისგებაში მიცემით დაემუქრა, ხოლო თავისუფლების სანაცვლოდ, გარდაცვლილი ბუტა რობაქიძის დედა, ია მეტრეველი უნდა მოეკლა.