სრულიად საქართველოს კათოლიკოს-პატრიარქმა, უწმინდესმა და უნეტარესამ ილია მეორემ კუკიის წმინდა ნინოს სახელობის ეკლესიაში ნინოობასთან დაკავშირებით საზეიმო წირვა-ლოცვა აღავლინა.

ქადაგებისას პატრიარქმა წმინდა ნინოს ღვაწლზე ისაუბრა.

„როგორ შეძლო ამ მცირეწლოვანმა ბავშვმა წამოსულიყო ამ სიშორეზე და სასწაული მოეხდინა. ეს უდიდესი სასწაულია და უდიდესი პიროვნება საქართველოს ისტორიაში. ჩვენმა ახალგაზრდობამ უნდა იფიქრონ წინაპრების ღვაწლზე. ადამიანი იმაზე კი არ უდნა ფიქრობდეს რა ჭამოს და სვას, ამას ღმერთი არ მოაკლებს, არამედ უნდა ფიქრობდეს რა გააკეთოს სამშობლოსთვის.დღევანდელი ახალგაზრდობა გატაცებულია გართობით, მათი ნაწილი შეგნებულია და ფიქრობს საქართველოზე, მაგრამ გზა ვერ გაუკვლევია. ამაზე უნდა იფიქროს ახალგაზრდობამ და არა ღამის ბარებსა და გართობაზე. ღამის ბარები და გართობა კლავს ადამიანის სულს და ჩაგრავს მის გონებას. ვთხოვთ წმინდა ნინოს, რომ ჩვენს ახლგაზრდებს გული და გონება გაუხსნას და სიბრძნე მისცეს მათ“, - ბრძანა უწმინდესმა.