დაუყოვნებლივ უნდა მოხდეს საარსებო მინიმუმის გაზრდა

დაუყოვნებლივ უნდა მოხდეს საარსებო მინიმუმის გაზრდა - წერეთელი

პოლიტიკა - 13:31, 27 Jan, 2015

872

საპარლამენტო უმცირესობის წევრი გიგი წერეთელი ხელისუფლებას საარსებო მინიმუმის ოდენობის გადახედვისკენ მოუწოდებს.
წერეთელი მიიჩნევს, რომ ლარის გაუფასურების პირობებში უმნიშვნელოვანესია საარსებო მინიმუმის ოდენობის გაზრდა მოხდეს.

"ლარის კურსის მკვეთრმა ვარდნამ ძალიან გააუარესა ჩვენი თანამოქალაქეების მდგომარეობა, განსაკუთრებით ვისაც ძალიან უჭირს. ფასები იმატებს პროდუქტებსა და მედიკამენტებზე, ასეთ ვითარებას ჩვენ ყოველდღიურად ვხედავთ. ადამიანებს კრედიტები დოლარში აქვთ აღებული და ამ ვითარებაში ჩვენ ვერ ვხედავთ მთავრობის მხრიდან გადადგმულ ნაბიჯებს. უნდა ავღნიშნოთ რომ მთავრობის არასწორმა პოლიტიკამ, საინვესტიციო, საბიუჯეტო ხარჯების თუ სხვა, გამოიწვია ეს მდგომარეობა. არც რაიმე კონკრეტულ ნაბიჯებს დგამენ და არც ჩვენს მიერ შეთავაზებულ ინიციატივებს ითვალისწინებენ. ეს ეხება საარსებო მინიმუმს. რეალურად იმ კვლევებით, რომელიც დღეს არის არასამთავრობო თუ სხვა ექსპერტულ წრეებში საარსებო მინიმუმი გაცილებით აღემატება სახელმწიფოს მიერ დადგენილს, რომელიც 160 ლარია. იმ პირობებში, როცა მსყიდველობით უნარიანობა შემცირებულია, მაგალითად პენსიას თუ შევადარებთ დოლარის კურსს ის გახდა 75 დოლარი, მაშინ როცა ჩვენ დავტოვეთ 2012 წელს ის იყო 90 დოლარზე მეტი. შესაბამისად, ყველა სოციალური გასაცემელი დღეს თავისი მსყიდველობითი უნარიანობიდან გამომდინარე არის ნაკლები და ასეთ შემთხვევაში ჩვენ ვფიქრობთ, რომ სასწრაფოდ მთავრობამ უნდა გადაიანგარიშოს საარსებო მინიმუმი და მეთოდოლოგია, რომელიც 2003 წლის შემდეგ არის და არ შეცვლილა 12 წლის განმავლობაში. მასში უნდა მოხდეს კორექტირება. არსებობს სხვადასხვა მიდგომები საარსებო მინიმუმის გაანგარიშების. მე ვფიქრობ, რომ ეს ნაბიჯინ უნდა გადაიდგას ჩვენი ქვეყნის მოსახლეობისთვის, განსაკუთრებით მათვის ვისაც უჭირს, მათი გასაცემლები უნდა გადაანგარიშდეს და გაიზარდოს აუცილებლად."-განაცხადა გიგი წერეთელმა.