უმრავლესობის წევრი დავით საგანელიძე მიიჩნევს, რომ ემზარ კვიციანს არაადეკვატური სასჯელი მიუსაჯეს. ამიტომ დეპუტატი, კვიციანთან საპროცესო შეთანხმებას მიესალმება.

„კვიციანის მიმართ სასამართლომ ძალიან არაობიექტური გადაწყვეტილება გამოიტანა. გარკვეული შეცდომებიდა გადაცდომები ამ ადამიანს შეიძლება ჰქონდეს, მაგრამ მას რომ სამშობლო უყვარს, ამაში ეჭვი არავის არ ეპარება. ეს არის აბსოლუტურად არაადეკვატური განაჩენი და არაადეკვატურ სიტუაციაშია ეს ადამიანი. ამიტომ მივესალმები, თუ ასეთი შეთანხმება გაფორმდება“, - განაცხადა საგანელიძემ.

ემზარ კვიციანი შესაძლოა ხვალ სასამართლო დარბაზიდან გაათავისუფლონ.