ვიცე-პრემიერი კახი კალაძე შინაგან საქმეთა მინისტრად ვახტანგ გომალურის დანიშვნასთან დაკავშირებით პრემიერის გადაწყვეტილებას მიესალმება.

ამის შესახებ კახი კალაძემ ტელეკომპანია „იმედის“ ეთერში განაცხადა.

„მივესალმები აღნიშნულ პოსტზე გომელაურის კანდიდატურას . იცით, რომ შინაგან საქმეთა სამინისტრო უმნიშვნელოვანესი სამინისტროა. ბატონი ვახტანგი ღირსეული და პატიოსანი პიროვნებაა, რაც მთავარია ის არის მაღალი დონის პროფესიონალი. ამიტომ ის გადაწყვეტილება, რომელიც პრემიერმა ვახტანგ გომელაურის კანდიდატურასთან დაკავშირებით მიიღო, მისასალმებელია. დარწმუნებული ვარ, რომ ბატონი ვახტანგი წარმატებული მინისტრი იქნება და ჩვენი ქვეყნის სასარგებლოდ მნიშვნელოვან საქმეებს განახორციელებს“, - განაცხადა კახი კალაძემ.