პარტია "ქართული ოცნების" აღმასრულებელ მდივნად კონსტიტუციონალისტი ირაკლი კობახიძე დაინიშნა.

კობახიძე კოალიციის პოლიტსაბჭოს დასრულების შემდეგ ვიცე-პრემიერმა კახი კალაძემ წარადგინა.

„ჩემთვის დიდი პატივია „ქართული ოცნების“ აღმასრულებელი მდივნის კანდიდატურის დაკავება. ყველაფერს გავაკეთებ იმისათვის, რომ ჩემი წვლილი შევიტანო პარტიის გაძლიერებაში. ბევრი რამ არის გასაკეთებელი, საჭიროა სამოქმედო გეგმის შემუშავება და ამ სამოქმედო გეგმის თანმიმდევრულად შესრულება“, - განაცხადა კობახიძემ.

ირაკლი კობახიძე აღნიშნულ თანამდებობაზე ზვიად ჯანყარაშვილს ჩაანაცვლებს.